ਵਾਸ਼ਿੰਗਟਨ, 7 ਅਪਰੈਲ
ਅਮਰੀਕਾ ਦੇ ਰਾਸ਼ਟਰਪਤੀ ਜੋਅ ਬਾਇਡਨ ਨੇ ਕਿਹਾ ਹੈ ਕਿ ਮੁਲਕ ਵਿੱਚ 19 ਅਪਰੈਲ ਤੋਂ ਹਰ ਬਾਲਗ ਵਿਅਕਤੀ ਨੂੰ ਕਰੋਨਾ ਦਾ ਟੀਕਾ ਲੱਗੇਗਾ। ਇਸ ਤੋਂ ਪਹਿਲਾਂ ਬਾਲਗਾਂ ਲਈ ਟੀਕਾਕਰਨ ਮੁਹਿੰਮ ਆਰੰਭਣ ਦੀ ਤਰੀਕ 1 ਮਈ ਤੈਅ ਕੀਤੀ ਗਈ ਸੀ। ਰਾਸ਼ਟਰਪਤੀ ਨੇ ਮੰਗਲਵਾਰ ਨੂੰ ਇਹ ਐਲਾਨ ਅਜਿਹੇ ਸਮੇਂ ਵਿੱਚ ਕੀਤਾ ਜਦੋਂ ਅਮਰੀਕਾ ਵਿੱਚ ਕੋਵਿਡ-19 ਮਾਮਲੇ ਤੇਜ਼ੀ ਨਾਲ ਵਧ ਰਹੇ ਹਨ। ਜੌਹਨ ਹਾਪਕਿੰਸ ਯੂਨੀਵਰਸਿਟੀ ਮੁਤਾਬਕ ਅਮਰੀਕਾ ਵਿੱਚ ਕਰੋਨਾ ਲਾਗ ਦੇ ਹੁਣ ਤਕ 3,08,46, 300 ਮਾਮਲੇ ਸਾਹਮਣੇ ਆ ਚੁੱਕੇ ਹਨ ਅਤੇ 5,56,500 ਵਿਅਕਤੀਆਂ ਦੀ ਮੌਤ ਹੋ ਚੁੱਕੀ ਹੈ। -ਏਜੰਸੀ
