ਸ੍ਰੀਨਗਰ, 10 ਨਵੰਬਰ
ਸ਼ਹਿਰ ਦੇ ਈਦਗਾਹ ਇਲਾਕੇ ਵਿੱਚ ਬੁੱਧਵਾਰ ਨੂੰ ਅਤਿਵਾਦੀਆਂ ਨੇ ਸੀਆਰਪੀਐਫ ਦੇ ਬੰਕਰ ‘ਤੇ ਗ੍ਰਨੇਡ ਸੁੱਟਿਆ। ਇਸ ਹਮਲੇ ਵਿੱਚ ਇਕ ਪੁਲੀਸ ਮੁਲਾਜ਼ਮ ਸਮੇਤ ਦੋ ਵਿਅਕਤੀ ਜ਼ਖ਼ਮੀ ਹੋਏ ਹਨ। ਇੱਕ ਪੁਲੀਸ ਅਧਿਕਾਰੀ ਨੇ ਦੱਸਿਆ ਕਿ ਸ਼ਾਮ 6.40 ਵਜੇ ਦੇ ਕਰੀਬ ਅੱਤਵਾਦੀਆਂ ਨੇ ਜ਼ਿਲ੍ਹਾ ਸ਼੍ਰੀਨਗਰ ਦੇ ਆਲੀ ਮਸਜਿਦ ਈਦਗਾਹ ਖੇਤਰ ਵਿੱਚ ਸਥਿਤ 161 ਬਿਲੀਅਨ ਸੀਆਰਪੀਐਫ ਦੇ ਬੰਕਰ ‘ਤੇ ਇੱਕ ਗ੍ਰਨੇਡ ਸੁੱਟਿਆ ਜੋ ਸੜਕ ਕਿਨਾਰੇ ਫਟ ਗਿਆ। ਇਸ ਹਮਲੇ ਵਿੱਚ ਸ੍ਰੀਨਗਰ ਵਾਸੀ ਐਜਾਜ਼ ਅਹਿਮਦ ਭੱਟ ਅਤੇ ਪੁਲੀਸ ਕਾਂਸਟੇਬਲ ਸੱਜਾਦ ਅਹਿਮਦ ਜ਼ਖ਼ਮੀ ਹੋਏ ਹਨ। ਜ਼ਖ਼ਮੀਆਂ ਨੂੰ ਹਸਪਤਾਲ ਵਿੱਚ ਦਾਖਲ ਕਰਾਇਆ ਗਿਆ ਹੈ। -ਏਜੰਸੀ
