ਮਾਮਾ ਆਪਣੇ ਭਾਣਜੇ ਦੇ ਵਿਆਹ ਤੋਂ ਚਿੜਿਆ: ਤੇਜਸਵੀ ਤੇ ਤੇਜ ਪ੍ਰਤਾਪ ਦੋਵੇਂ ਆਵਾਰਾ


ਪਟਨਾ, 12 ਦਸੰਬਰ

ਰਾਸ਼ਟਰੀ ਜਨਤਾ ਦਲ (ਆਰਜੇਡੀ) ਦੇ ਮੁਖੀ ਲਾਲੂ ਪ੍ਰਸਾਦ ਯਾਦਵ ਦੇ ਛੋਟੇ ਪੁੱਤਰ ਤੇਜਸਵੀ ਯਾਦਵ ਦੇ ਜਲਦਬਾਜ਼ੀ ਵਿੱਚ ਹੋਏ ਵਿਆਹ ਨੇ ਉਨ੍ਹਾਂ ਦੇ ਪਰਿਵਾਰ ਵਿੱਚ ਨਾਰਾਜ਼ਗੀ ਪੈਦਾ ਕਰ ਦਿੱਤੀ ਹੈ। ਇਸ ਵਿਆਹ ਵਿੱਚ ਸਿਰਫ਼ ਕਰੀਬੀ ਲੋਕਾਂ ਨੂੰ ਹੀ ਸੱਦਾ ਦਿੱਤਾ ਗਿਆ ਸੀ। ਲਾਲੂ ਯਾਦਵ ਦੀ ਪਤਨੀ ਅਤੇ ਬਿਹਾਰ ਦੀ ਸਾਬਕਾ ਮੁੱਖ ਮੰਤਰੀ ਰਾਬੜੀ ਦੇਵੀ ਦੇ ਛੋਟੇ ਭਰਾ ਅਤੇ ਕਦੇ ਲਾਲੂ ਦੇ ਕਰੀਬੀ ਸਾਧੂ ਯਾਦਵ ਆਪਣੇ ਭਾਣਜੇ ਤੇਜਸਵੀ ਵੱਲੋਂ ਈਸਾਈ ਮੁਟਿਆਰ ਨਾਲ ਵਿਆਹ ਤੋਂ ਨਾਰਾਜ਼ ਹਨ। ਸਾਧੂ ਯਾਦਵ ਦੇ ਬਿਆਨ ਵੱਖ-ਵੱਖ ਮੀਡੀਆ ਵਿਚ ਚੱਲ ਰਹੇ ਹਨ, ਜਿਸ ਵਿਚ ਉਹ ਕਈ ਮੁੱਦਿਆਂ ‘ਤੇ ਲਾਲੂ ਪਰਿਵਾਰ ‘ਤੇ ਜਨਤਕ ਤੌਰ ‘ਤੇ ਦੋਸ਼ ਲਗਾ ਰਹੇ ਹਨ। ਸਾਧੂ ਨੇ ਦਾਅਵਾ ਕੀਤਾ ਕਿ ਉਸ ਦੇ ਭਾਣਜੇ ਤੇਜਸਵੀ ਅਤੇ ਤੇਜ ਪ੍ਰਤਾਪ ਦੋਵੇਂ ਆਵਾਰਾ ਹੋ ਗਏ ਹਨ ਅਤੇ ਇਹ ਇੱਕ ਸੱਚਾਈ ਹੈ ਜਿਸ ਤੋਂ ਬਿਹਾਰ ਦਾ ਹਰ ਅਧਿਕਾਰੀ ਅਤੇ ਇੱਥੋਂ ਤੱਕ ਕਿ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਵੀ ਜਾਣੂ ਹਨ। ਸਾਧੂ ਨੇ ਕਿਹਾ, ‘ਤੇਜ ਪ੍ਰਤਾਪ ਅਤੇ ਤੇਜਸਵੀ ਨੇ ਪਰਿਵਾਰ ‘ਤੇ ਜੋ ਕਲੰਕ ਲਗਾਇਆ ਹੈ, ਉਸ ਕਾਰਨ ਪਰਿਵਾਰ ਦੇ ਨੌਜਵਾਨ ਰਿਸ਼ਤੇਦਾਰਾਂ ਲਈ ਰਿਸ਼ਤੇ ਲੱਭਣੇ ਮੁਸ਼ਕਲ ਹੋ ਗਏ ਹਨ। ਤੇਜ ਪ੍ਰਤਾਪ ਨੇ ਮਾਮੇ ਦੋਸ਼ਾਂ ‘ਤੇ ਆਪਣੇ ਹੀ ਅੰਦਾਜ਼ ‘ਚ ਤਿੱਖੀ ਪ੍ਰਤੀਕਿਰਿਆ ਦਿੱਤੀ ਹੈ। ਉਨ੍ਹਾਂ ਨੇ ਭੋਜਪੁਰੀ ‘ਚ ਟਵੀਟ ਕਰਕੇ ਸਾਧੂ ਨੂੰ ਹੱਦ ਨਾ ਪਾਰ ਕਰਨ ਦੀ ਚਿਤਾਵਨੀ ਦਿੱਤੀ ਹੈ। ਸਿੰਗਾਪੁਰ ‘ਚ ਰਹਿਣ ਵਾਲੀ ਲਾਲੂ ਪ੍ਰਸਾਦ ਦੀ ਬੇਟੀ ਰੋਹਿਣੀ ਆਚਾਰੀਆ ਨੇ ਸੋਸ਼ਲ ਮੀਡੀਆ ‘ਤੇ ਆਪਣੇ ਮਾਮਾ ਸਾਧੂ ਯਾਦਵ ਦੀ ਤੁਲਨਾ ਰਾਜਾ ”ਕਾਂਸ” ਨਾਲ ਕੀਤੀ ਹੈ।



Source link