ਹਰਦੇਵ ਚੌਹਾਨ
ਚੰਡੀਗੜ੍ਹ, 15 ਸਤੰਬਰ
17 ਸਤੰਬਰ ਨੂੰ ਇਥੋਂ ਦੇ ਸੈਕਟਰ-22 ਡੀ ਵਿਖੇ ‘ਸ਼ਾਪਿੰਗ ਫੈਸਟ’ ਸ਼ੁਰੂ ਹੋਣ ਜਾ ਰਿਹਾ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ 73ਵੇਂ ਜਨਮ ਦਿਨ ਦੇ ਜਸ਼ਨ ਮੌਕੇ ਇਸ ਸ਼ਾਪਿੰਗ ਕਾਰਨੀਵਲ ਦਾ ਉਦਘਾਟਨ ਹੋ ਰਿਹਾ ਹੈ। ਇਹ ਮੇਲਾ 1 ਜਨਵਰੀ 2024 ਨੂੰ ਸਮਾਪਤ ਹੋਵੇਗਾ। ਸੈਕਟਰ 22 ਡੀ ਮਾਰਕੀਟ ਵੈਲਫੇਅਰ ਐਸੋਸੀਏਸ਼ਨ ਦੇ ਪ੍ਰਧਾਨ ਅਰਵਿੰਦ ਜੈਨ ਨੇ ਇੱਥੇ ਪ੍ਰੈਸ ਕਾਨਫਰੰਸ ਦੌਰਾਨ ਦੱਸਿਆ ਕਿ ਮੇਲੇ ਦਾ ਉਦਘਾਟਨ ਮੁੱਖ ਮਹਿਮਾਨ ਯੂਟੀ ਪ੍ਰਸ਼ਾਸਕ ਦੇ ਸਲਾਹਕਾਰ ਧਰਮਪਾਲ ਕਰਨਗੇ। ਕੇਕ ਕੱਟਣ ਦੀ ਰਸਮ ਸਵੇਰੇ 11.30 ਵਜੇ ਚੰਡੀਗੜ੍ਹ ਦੀ ਵਿਰਾਸਤੀ ਮਾਰਕੀਟ, ਸੈਕਟਰ 22 ਡੀ ਵਿਖੇ ਹੋਵੇਗੀ। ਖਰੀਦਦਾਰਾਂ ਲਈ 31 ਇਨਾਮ ਹੋਣਗੇ, ਜਿਨ੍ਹਾਂ ਵਿੱਚ 7 ਕਾਰਾਂ, 4 ਹੁੰਡਈ ਐਕਸਟਰ, 3 ਕੀਆ ਸੋਨਟ, 8 ਐੱਮਆਈ ਟੀਵੀ, 8 ਐੱਲਜੀ ਏਸੀ ਅਤੇ 8 ਐੱਲਜੀ ਫਰਿੱਜ ਸ਼ਾਮਲ ਹਨ। ਮੇਲੇ ਦੌਰਾਨ 2000 ਰੁਪਏ ਜਾਂ ਇਸ ਤੋਂ ਵੱਧ ਦੀ ਖਰੀਦਦਾਰੀ ਕਰਨ ਵਾਲੇ ਕੂਪਨਧਾਰਕ ਇਨਾਮਾਂ ਲਈ ਯੋਗ ਹੋਣਗੇ। ਕਿਸੇ ਵੀ ਗਹਿਣਿਆਂ ਦੀ ਦੁਕਾਨ ‘ਤੇ 10000 ਰੁਪਏ ਜਾਂ ਇਸ ਤੋਂ ਵੱਧ ਦੀ ਖਰੀਦਦਾਰੀ ਕਰਨ ਵਾਲੇ ਗਾਹਕ ਵੀ ਕੂਪਨ ਪ੍ਰਾਪਤੀ ਦੇ ਯੋਗ ਹੋਣਗੇ।
The post ਚੰਡੀਗੜ੍ਹ: ਹੈਰੀਟੇਜ ਮਾਰਕੀਟ ’ਚ ਸ਼ਾਪਿੰਗ ਫੈਸਟ 17 ਤੋਂ appeared first on punjabitribuneonline.com.
