ਪੈਰਿਸ, 12 ਫਰਵਰੀ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਪੈਰਿਸ ਵਿੱਚ ਏਆਈ ਐਕਸ਼ਨ ਸਮਿਟ ਤੋਂ ਇਲਾਵਾ ਗੂਗਲ ਦੇ ਸੀਈਓ ਸੁੰਦਰ ਪਿਚਾਈ ਨਾਲ ਮੁਲਾਕਾਤ ਕੀਤੀ ਅਤੇ ਉਨ੍ਹਾਂ ਨੇ ਏਆਈ ਵੱਲੋਂ ਭਾਰਤ ਵਿੱਚ ਲਿਆਉਣ ਵਾਲੇ ਚੰਗੇ ਮੌਕਿਆਂ ਬਾਰੇ ਚਰਚਾ ਕੀਤੀ।
ਸੁੰਦਰ ਪਿਚਾਈ ਨੇ ‘ਐਕਸ’ ’ਤੇ ਤਸਵੀਰਾਂ ਸਾਂਝੀਆਂ ਕਰਦੇ ਲਿਖਿਆ, ‘‘ਏਆਈ ਐਕਸ਼ਨ ਸਮਿਟ ਲਈ ਪੈਰਿਸ ਵਿੱਚ ਅੱਜ ਪ੍ਰਧਾਨ ਮੰਤਰੀ @narendramodi ਨਾਲ ਮਿਲ ਕੇ ਬਹੁਤ ਖੁਸ਼ੀ ਹੋਈ। ਅਸੀਂ AI ਨੂੰ ਭਾਰਤ ਵਿੱਚ ਲਿਆਉਣ ਵਾਲੇ ਮੌਕਿਆਂ ਅਤੇ ਭਾਰਤ ਦੇ ਡਿਜੀਟਲ ਪਰਿਵਰਤਨ ’ਤੇ ਮਿਲ ਕੇ ਕੰਮ ਕਰਨ ਦੇ ਤਰੀਕਿਆਂ ਬਾਰੇ ਚਰਚਾ ਕੀਤੀ।’’ ਇਸ ਤੋਂ ਪਹਿਲਾਂ ਮੋਦੀ ਅਤੇ ਪਿਚਾਈ ਵਿਚਾਲੇ ਆਖਰੀ ਮੁਲਾਕਾਤ ਸਤੰਬਰ 2024 ‘ਚ ਨਿਊਯਾਰਕ ‘ਚ ਹੋਈ ਸੀ। ਸ੍ਰੀ ਮੋਦੀ ਨੇ ਕਿਹਾ ਕਿ ਏਆਈ ਰਾਜਨੀਤੀ, ਆਰਥਿਕਤਾ, ਸੁਰੱਖਿਆ ਅਤੇ ਸਮਾਜ ਨੂੰ ਬਦਲ ਰਿਹਾ ਹੈ ਅਤੇ ਇਸ ਸਦੀ ਵਿੱਚ ਮਨੁੱਖਤਾ ਲਈ ਕੋਡ ਲਿਖ ਰਿਹਾ ਹੈ। ਅਸੀਂ ਏਆਈ ਯੁੱਗ ਦੀ ਸ਼ੁਰੂਆਤ ਵਿੱਚ ਹਾਂ ਜੋ ਮਨੁੱਖਤਾ ਦੇ ਰਾਹ ਨੂੰ ਆਕਾਰ ਦੇਵੇਗਾ।’’ ਪੀਟੀਆਈ
The post Modi Meets Pichai: ਪ੍ਰਧਾਨ ਮੰਤਰੀ ਮੋਦੀ ਵੱਲੋਂ ਪਿਚਾਈ ਨਾਲ ਮੁਲਾਕਾਤ, ‘ਭਾਰਤ ਦੇ ਡਿਜੀਟਲ ਪਰਿਵਰਤਨ’ ਬਾਰੇ ਕੀਤੀ ਚਰਚਾ appeared first on Punjabi Tribune.
