ਨਿੱਜੀ ਪੱਤਰ ਪ੍ਰੇਰਕ
ਅੰਬਾਲਾ, 18 ਨਵੰਬਰ
ਅੰਬਾਲਾ-ਜਗਾਧਰੀ ਹਾਈਵੇਅ ’ਤੇ ਸਾਹਾ ਚੌਕ ਵਿਚ ਅੱਜ ਇਕ ਟਿਪਰ ਨੇ ਮੋਟਰਸਾਈਕਲ ਨੂੰ ਟੱਕਰ ਮਾਰ ਦਿੱਤੀ। ਇਸ ਹਾਦਸੇ ਵਿਚ ਬਾਈਕ ਚਾਲਕ ਸਮਾਲਖਾ ਪਿੰਡ ਦੇ 55 ਸਾਲਾ ਗੁਰਮੇਲ ਸਿੰਘ ਦੀ ਮੌਤ ਹੋ ਗਈ ਜਦੋਂ ਕਿ ਪਿੱਛੇ ਬੈਠਾ 40 ਸਾਲਾ ਕੁਲਦੀਪ ਸਿੰਘ ਗੰਭੀਰ ਜ਼ਖ਼ਮੀ ਹੋ ਗਿਆ। ਟਿੱਪਰ ਚਾਲਕ ਹਾਦਸੇ ਤੋਂ ਬਾਅਦ ਫਰਾਰ ਹੋ ਗਿਆ। ਜਦੋਂ ਕਾਫੀ ਦੇਰ ਤੱਕ ਪੁਲੀਸ ਮੌਕੇ ’ਤੇ ਨਾ ਪਹੁੰਚੀ ਤਾਂ ਮ੍ਰਿਤਕ ਦੇ ਸਕੇ ਸਬੰਧੀਆਂ ਨੇ ਅੰਬਾਲਾ-ਜਗਾਧਰੀ ਹਾਈਵੇਅ ਇੱਟਾਂ ਸੁੱਟ ਕੇ ਬੰਦ ਕਰ ਦਿੱਤਾ ਅਤੇ ਪ੍ਰਦਰਸ਼ਨ ਕੀਤਾ।
ਜਾਮ ਲੱਗਣ ਦੇ ਪੌਣੇ ਘੰਟੇ ਬਾਅਦ ਬਰਾੜਾ ਡੀਐਸਪੀ ਸੁਰੇਸ਼ ਕੁਮਾਰ ਮੌਕੇ ’ਤੇ ਪਹੁੰਚੇ ਅਤੇ ਮ੍ਰਿਤਕ ਦੇ ਸਕੇ ਸਬੰਧੀਆਂ ਨੂੰ ਬਣਦੀ ਕਾਰਵਾਈ ਕਰਨ ਦਾ ਭਰੋਸਾ ਦਿੱਤਾ ਜਿਸ ਤੋਂ ਬਾਅਦ ਜਾਮ ਖੋਲ੍ਹ ਦਿੱਤਾ ਗਿਆ।
The post ਹਾਦਸੇ ਵਿਚ ਮੋਟਰਸਾਈਕਲ ਚਾਲਕ ਹਲਾਕ; ਸਾਥੀ ਜ਼ਖ਼ਮੀ appeared first on Punjabi Tribune.
