Mohali News : ਮੋਹਾਲੀ ‘ਚ ਵੀਰਵਾਰ ਨੂੰ ਸੀਵਰੇਜ ਸਾਫ਼ ਕਰਨ ਵਾਲੇ ਟਰੈਕਟਰ ਦੇ ਡਰਾਈਵਰ ਨੇ 10 ਸਾਲਾਂ ਬੱਚੇ ਨੂੰ ਕੁਚਲ ਦਿੱਤਾ। ਜਿਸ ਨਾਲ ਬੱਚੇ ਦੀ ਮੌਕੇ ‘ਤੇ ਮੌਤ ਹੋ ਗਈ। ਇਹ ਹਾਦਸਾ ਬੜ ਮਾਜਰਾ ਕਲੋਨੀ ਵਿੱਚ ਵਾਪਰਿਆ। ਹਾਦਸੇ ਤੋਂ ਬਾਅਦ ਕਾਲੋਨੀ ਦੇ ਲੋਕ ਇਕੱਠੇ ਹੋ ਗਏ।
ਬੱਚੇ ਦੀ ਪਛਾਣ ਸ਼ੌਰਿਆ ਨਿਸ਼ਾਦ (10) ਵਜੋਂ ਹੋਈ ਹੈ। ਸ਼ੌਰਿਆ ਆਪਣੇ ਮਾਪਿਆਂ ਦਾ ਇਕਲੌਤਾ ਪੁੱਤਰ ਸੀ। ਪਰਿਵਾਰ ਨੇ ਕਿਹਾ ਕਿ ਉਹ ਰੋਜ਼ੀ-ਰੋਟੀ ਦੀ ਭਾਲ ਵਿੱਚ ਅੱਠ ਸਾਲ ਪਹਿਲਾਂ ਉੱਤਰ ਪ੍ਰਦੇਸ਼ ਤੋਂ ਮੋਹਾਲੀ ਆ ਕੇ ਰਹਿਣ ਲੱਗੇ ਸਨ। ਸ਼ੌਰਿਆ ਛੇਵੀਂ ਜਮਾਤ ਦਾ ਵਿਦਿਆਰਥੀ ਸੀ।
ਪਰਿਵਾਰਕ ਮੈਂਬਰਾਂ ਅਤੇ ਵਸਨੀਕਾਂ ਨੇ ਚੰਡੀਗੜ੍ਹ-ਖਰੜ ਹਾਈਵੇਅ ਜਾਮ ਕਰ ਦਿੱਤਾ। ਜਦੋਂ ਲੋਕਾਂ ਨੇ ਟਰੈਕਟਰ ਚਾਲਕ ਨੂੰ ਫੜਨ ਦੀ ਕੋਸ਼ਿਸ਼ ਕੀਤੀ ਤਾਂ ਉਹ ਮੌਕੇ ਤੋਂ ਭੱਜ ਗਿਆ। ਹਾਲਾਂਕਿ ਬਾਅਦ ਵਿੱਚ ਪੁਲਿਸ ਨੇ ਉਸਨੂੰ ਗ੍ਰਿਫ਼ਤਾਰ ਕਰ ਲਿਆ ਅਤੇ ਟਰੈਕਟਰ ਜ਼ਬਤ ਕਰ ਲਿਆ।
ਪਿਤਾ ਨਾਲ ਮੋਟਰ ਸਾਈਕਲ ‘ਤੇ ਜਾ ਰਿਹਾ ਸੀ
ਜਾਣਕਾਰੀ ਅਨੁਸਾਰ ਸ਼ੌਰਿਆ ਆਪਣੇ ਪਿਤਾ ਨਾਲ ਬੜ ਮਾਜਰਾ ਕਲੋਨੀ ਤੋਂ ਫੇਜ਼ 6 ਵੱਲ ਮੋਟਰ ਸਾਈਕਲ ‘ਤੇ ਜਾ ਰਿਹਾ ਸੀ। ਸਾਹਮਣੇ ਤੋਂ ਸੀਵਰੇਜ ਦੀ ਸਫਾਈ ਕਰਨ ਵਾਲਾ ਟਰੈਕਟਰ ਆ ਰਿਹਾ ਸੀ। ਟਰੈਕਟਰ ਨੇ ਸਿੱਧਾ ਮੋਟਰ ਸਾਈਕਲ ਨੂੰ ਟੱਕਰ ਮਾਰ ਦਿੱਤੀ, ਜਿਸ ਕਾਰਨ ਬੱਚਾ ਸਿੱਧਾ ਟਰੈਕਟਰ ਦੇ ਅੱਗੇ ਜਾ ਕੇ ਡਿੱਗ ਗਿਆ। ਚਸ਼ਮਦੀਦ ਸੰਦੀਪ ਨੇ ਕਿਹਾ ਕਿ ਟਰੈਕਟਰ ਚਾਲਕ ਨੇ ਰੁਕਣ ਦੀ ਬਜਾਏ ਟਰੈਕਟਰ ਅੱਗੇ ਚਲਾ ਦਿੱਤਾ, ਜਿਸ ਕਾਰਨ ਪਿਛਲਾ ਟਾਇਰ ਮੁੰਡੇ ਦੇ ਸਿਰ ਉੱਤੇ ਲੰਘ ਗਿਆ, ਜਿਸ ਨਾਲ ਉਸਦੀ ਮੌਤ ਹੋ ਗਈ। ਹਾਲਾਂਕਿ, ਬੱਚੇ ਦਾ ਪਿਤਾ ਬਚ ਗਿਆ।
ਹੋਰ ਪੜ੍ਹੋ
