ਵਿਏਨਤੀਏਨ , 10 ਅਕਤੂਬਰ
PM Narendra Modi in Laos: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਲਾਓਸ ਪਹੁੰਚਣ ਮੌਕੇ ਭਾਰਤ ਅਤੇ ਲਾਓਸ ਵਿਚਕਾਰ ਸਾਂਝੀ ਵਿਰਾਸਤ ਅਤੇ ਸਦੀਆਂ ਪੁਰਾਣੇ ਸਬੰਧਾਂ ਨੂੰ ਦਰਸਾਉਂਦੀ ਲਾਓਸੀ ਰਾਮਾਇਣ ਦੇਖੀ। ਪ੍ਰਧਾਨ ਮੰਤਰੀ ਮੋਦੀ ਇੱਥੇ ਆਸੀਆਨ-ਭਾਰਤ ਅਤੇ ਪੂਰਬੀ ਏਸ਼ੀਆ ਸਿਖਰ ਸੰਮੇਲਨਾਂ ਵਿੱਚ ਸ਼ਾਮਲ ਹੋਣ ਲਈ ਲਾਓਸ ਦੀ ਰਾਜਧਾਨੀ ਵਿੱਚ ਹਨ।
ਇੱਥੇ ਪਹੁੰਚਣ ਤੋਂ ਬਾਅਦ ਉਨ੍ਹਾਂ ਲੁਆਂਗ ਪ੍ਰਬਾਂਗ ਦੇ ਵੱਕਾਰੀ ਰਾਇਲ ਥੀਏਟਰ ਵੱਲੋਂ ਪ੍ਰਦਰਸ਼ਿਤ ਫਰਾ ਲਕ ਫਰਾ ਰਾਮ ਨਾਮਕ ਲਾਓਸ ਰਾਮਾਇਣ ਦਾ ਇੱਕ ਐਪੀਸੋਡ ਦੇਖਿਆ। phralakphralam.com ਦੇ ਅਨੁਸਾਰ ਲਾਓ ਰਾਮਾਇਣ ਮੂਲ ਭਾਰਤੀ ਸੰਸਕਰਣ ਤੋਂ ਵੱਖਰਾ ਹੈ। ਇਹ ਬੋਧੀ ਮਿਸ਼ਨਾਂ ਦੁਆਰਾ ਲਿਆਂਦੀ ਗਈ 16ਵੀਂ ਸਦੀ ਦੇ ਆਸ-ਪਾਸ ਲਾਓਸ ਪਹੁੰਚੀ ਸੀ।
PM @narendramodi witnessed a captivating performance of the Lao Ramayana, known as Phalak Phalam or Phra Lak Phra Ram. This unique rendition of the Ramayan reflects the deep cultural ties and shared heritage between India and Lao PDR. pic.twitter.com/kYZ5wvuys7
— PMO India (@PMOIndia) October 10, 2024
ਵਿਦੇਸ਼ ਮੰਤਰਾਲੇ ਦੇ ਤਰਜਮਾਨ ਰਣਧੀਰ ਜੈਸਵਾਲ ਨੇ ‘ਐਕਸ’ ’ਤੇ ਇੱਕ ਪੋਸਟ ਵਿੱਚ ਕਿਹਾ ਕਿ ਸਾਂਝੀ ਵਿਰਾਸਤ ਅਤੇ ਪਰੰਪਰਾ ਦੋਵਾਂ ਦੇਸ਼ਾਂ ਨੂੰ ਨੇੜੇ ਲਿਆਉਂਦੀ ਹੈ, ਇਹ ਭਾਰਤ-ਲਾਓਸ ਦੇ ਅਮੀਰ ਅਤੇ ਸਾਂਝੇ ਸਬੰਧਾਂ ਦਾ ਇੱਕ ਸ਼ਾਨਦਾਰ ਪ੍ਰਦਰਸ਼ਨ ਸੀ। ਵਿਦੇਸ਼ ਮੰਤਰਾਲੇ (MEA) ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਲਾਓਸ ਵਿੱਚ ਰਮਾਇਣ ਦਾ ਤਿਉਹਾਰ ਮਨਾਇਆ ਜਾਣਾ ਜਾਰੀ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਦੋਵੇਂ ਦੇਸ਼ ਆਪਣੀ ਸਾਂਝੀ ਵਿਰਾਸਤ ਨੂੰ ਰੌਸ਼ਨ ਕਰਨ ਲਈ ਨੇੜਿਓਂ ਕੰਮ ਕਰ ਰਹੇ ਹਨ।
ਇਸ ਤੋਂ ਪਹਿਲਾਂ ਮੋਦੀ ਨੇ ਵਿਏਨਤੀਏਨ ਵਿੱਚ ਸੀ ਸਾਕੇਤ ਮੰਦਰ ਦੇ ਸਤਿਕਾਰਯੋਗ ਮਠਾਠ ਮਹਾਵੇਥ ਮਾਸੇਨਾਈ ਦੀ ਅਗਵਾਈ ਵਿੱਚ ਲਾਓ ਪੀਡੀਆਰ ਦੇ ਕੇਂਦਰੀ ਬੋਧੀ ਫੈਲੋਸ਼ਿਪ ਸੰਗਠਨ ਦੇ ਸੀਨੀਅਰ ਬੋਧੀ ਭਿਕਸ਼ੂਆਂ ਦੁਆਰਾ ਇੱਕ ਆਸ਼ੀਰਵਾਦ ਸਮਾਰੋਹ ਵਿੱਚ ਹਿੱਸਾ ਲਿਆ। -ਪੀਟੀਆਈ
The post ਲਾਓਸ ਪੁੱਜੇ ਪ੍ਰਧਾਨ ਮੰਤਰੀ ਮੋਦੀ ਨੇ ਬੋਧੀ ਭਿਖਸ਼ੂਆਂ ਤੋਂ ਅਸ਼ੀਰਵਾਦ ਲਿਆ appeared first on Punjabi Tribune.
