Gold-Silver Rate Today on June 21: ਅੱਜ ਐਤਵਾਰ (21 ਜੂਨ, 2026) ਨੂੰ ਵਾਇਦਾ ਬਾਜ਼ਾਰ (MCX) ਬੰਦ ਹੋਣ ਕਾਰਨ ਦੇਸ਼ ਵਿੱਚ ਸੋਨੇ ਅਤੇ ਚਾਂਦੀ ਦੇ ਭਾਅ ਸਥਿਰ ਬਣੇ ਹੋਏ ਹਨ। ਸਰਾਫਾ ਬਾਜ਼ਾਰ ਅਤੇ ਮਲਟੀ ਕਮੋਡਿਟੀ ਐਕਸਚੇਂਜ (MCX) ਦੋਵੇਂ ਸ਼ਨੀਵਾਰ ਅਤੇ ਐਤਵਾਰ ਨੂੰ ਬੰਦ ਰਹਿੰਦੇ ਹਨ, ਇਸ ਲਈ ਸ਼ੁੱਕਰਵਾਰ ਸ਼ਾਮ ਨੂੰ ਜਿਸ ਰੇਟ ‘ਤੇ ਕਲੋਜ਼ਿੰਗ ਹੋਈ ਸੀ, ਉਹੀ ਰੇਟ ਐਤਵਾਰ ਨੂੰ ਵੀ ਲਾਗੂ ਰਹਿੰਦਾ ਹੈ।
ਅੱਜ ਦੇ ਸੋਨੇ ਦੇ ਭਾਅ (ਪ੍ਰਤੀ 10 ਗ੍ਰਾਮ)
ਸ਼ਹਿਰ 24 ਕੈਰਟ 22 ਕੈਰਟ 18 ਕੈਰਟ
ਦਿੱਲੀ 1,09,230 ਰੁਪਏ 1,34,050 ਰੁਪਏ 1,09,710 ਰੁਪਏ
ਮੁੰਬਈ 1,46,080 ਰੁਪਏ 1,33,900 ਰੁਪਏ 1,09,560 ਰੁਪਏ
ਕੋਲਕਾਤਾ 1,46,080 ਰੁਪਏ 1,33,900 ਰੁਪਏ 1,09,560 ਰੁਪਏ
ਚੇਨਈ 1,48,370 ਰੁਪਏ 1,36,000 ਰੁਪਏ 1,13,370 ਰੁਪਏ
ਚਾਂਦੀ ਦੀ ਕੀਮਤ
ਸੋਨੇ ਵਾਂਗ ਅੱਜ ਚਾਂਦੀ ਦੀਆਂ ਕੀਮਤਾਂ ਵੀ ਸਥਿਰ ਹਨ। ਅੱਜ 1 ਗ੍ਰਾਮ ਚਾਂਦੀ ਦੀ ਕੀਮਤ 255 ਰੁਪਏ ਹੈ। ਇਸ ਹਿਸਾਬ ਨਾਲ 10 ਗ੍ਰਾਮ ਚਾਂਦੀ ਦੀ ਕੀਮਤ 2,550 ਰੁਪਏ ਅਤੇ 1 ਕਿਲੋਗ੍ਰਾਮ ਚਾਂਦੀ ਦੀ ਕੀਮਤ 2,55,000 ਰੁਪਏ ਹੈ।
ਕੀਮਤਾਂ ਵਿੱਚ ਆਈ ਭਾਰੀ ਗਿਰਾਵਟ
ਸੋਨਾ-ਚਾਂਦੀ ਖਰੀਦਣ ਵਾਲਿਆਂ ਲਈ ਇਹ ਹਫ਼ਤਾ ਕਾਫ਼ੀ ਫ਼ਾਇਦੇਮੰਦ ਰਿਹਾ, ਕਿਉਂਕਿ ਇਸ ਦੌਰਾਨ ਦੋਵਾਂ ਕੀਮਤੀ ਧਾਤਾਂ ਦੀਆਂ ਕੀਮਤਾਂ ਵਿੱਚ ਵੱਡੀ ਗਿਰਾਵਟ ਦਰਜ ਕੀਤੀ ਗਈ। ਅਮਰੀਕਾ ਅਤੇ ਈਰਾਨ ਵਿਚਕਾਰ ਸ਼ਾਂਤੀ ਸਮਝੌਤਾ ਹੋਣ ਤੋਂ ਬਾਅਦ ਮੱਧ ਪੂਰਬ ਵਿੱਚ ਤਣਾਅ ਘਟਿਆ ਹੈ ਅਤੇ ਗਲੋਬਲ ਮਾਰਕੀਟ ਦੀ ਸਥਿਤੀ ਵੀ ਬਦਲੀ ਹੈ।
ਇਸ ਦੇ ਨਤੀਜੇ ਵਜੋਂ ਰਿਕਾਰਡ ਉੱਚ ਪੱਧਰ ‘ਤੇ ਪਹੁੰਚਣ ਤੋਂ ਬਾਅਦ ਸੋਨੇ ਵਿੱਚ ਭਾਰੀ ਵਿਕਰੀ ਦੇਖਣ ਨੂੰ ਮਿਲੀ। ਪਿਛਲੇ ਪੰਜ ਟ੍ਰੇਡਿੰਗ ਸੈਸ਼ਨਾਂ ਦੌਰਾਨ ਸਪਾਟ ਗੋਲਡ ਦੀ ਕੀਮਤ ਵਿੱਚ ਪ੍ਰਤੀ 10 ਗ੍ਰਾਮ 5,228 ਰੁਪਏ ਦੀ ਕਮੀ ਆਈ ਹੈ। ਇਹ ਗਿਰਾਵਟ ਉਨ੍ਹਾਂ ਗਾਹਕਾਂ ਅਤੇ ਨਿਵੇਸ਼ਕਾਂ ਲਈ ਇੱਕ ਵਧੀਆ ਮੌਕਾ ਮੰਨੀ ਜਾ ਰਹੀ ਹੈ, ਜੋ ਆਉਣ ਵਾਲੇ ਸਮੇਂ ਵਿੱਚ ਵਿਆਹਾਂ ਦੇ ਸੀਜ਼ਨ ਨੂੰ ਧਿਆਨ ਵਿੱਚ ਰੱਖਦਿਆਂ ਸੋਨਾ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹਨ।
ਚਾਂਦੀ ਵੀ ਹੋਈ ਸਸਤੀ
ਸੋਨੇ ਦੇ ਨਾਲ-ਨਾਲ ਇਸ ਹਫ਼ਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਵੀ ਵੱਡੀ ਗਿਰਾਵਟ ਆਈ ਹੈ। ਸਿਰਫ਼ ਪੰਜ ਟ੍ਰੇਡਿੰਗ ਸੈਸ਼ਨਾਂ ਵਿੱਚ ਚਾਂਦੀ ਦੀ ਕੀਮਤ ਪ੍ਰਤੀ ਕਿਲੋਗ੍ਰਾਮ 20,092 ਰੁਪਏ ਘਟ ਗਈ ਹੈ। ਮਾਰਕੀਟ ਮਾਹਿਰਾਂ ਦੇ ਮੁਤਾਬਕ ਪਿਛਲੇ ਕੁਝ ਮਹੀਨਿਆਂ ਦੌਰਾਨ ਸੋਨੇ ਅਤੇ ਚਾਂਦੀ ਨੇ ਆਪਣੇ ਸਭ ਤੋਂ ਉੱਚੇ ਪੱਧਰ ਨੂੰ ਛੂਹਿਆ ਸੀ। ਹੁਣ ਵਿਸ਼ਵ ਪੱਧਰ ‘ਤੇ ਤਣਾਅ ਘਟਣ ਅਤੇ ਸੁਰੱਖਿਅਤ ਨਿਵੇਸ਼ (Safe-Haven Assets) ਵਜੋਂ ਇਨ੍ਹਾਂ ਦੀ ਮੰਗ ਘਟਣ ਕਾਰਨ ਵੱਡੀਆਂ ਕੰਪਨੀਆਂ ਅਤੇ ਫੰਡ ਹਾਊਸਾਂ ਨੇ ਉੱਚੇ ਰੇਟਾਂ ‘ਤੇ ਮੁਨਾਫ਼ਾਵਸੂਲੀ (Profit Booking) ਸ਼ੁਰੂ ਕਰ ਦਿੱਤੀ ਹੈ, ਜਿਸ ਕਾਰਨ ਕੀਮਤਾਂ ਵਿੱਚ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ।
10 ਲੱਖ ਯੋਜਨਾ ‘ਤੇ ਨਵਾਂ ਅਪਡੇਟ! CM ਮਾਨ ਦੀ ਵੱਡੀ ਗੱਲ
